14 От ыйа 14.07
  • 16°
  • $ 87,74
  • 95,76

Дьокуускайга боруода ыттары уонна куосканы кыбартыыраттан уордулар

Читайте нас на
Яндекс Новости
ЯДВ

Дьокуускайга мейн-кун диэн сыаналаах боруода куосканы уонна икки той-терьер ыт оҕотун кыбартыыраттан уордулар.  Кыыллары бас билээччилэр полицияҕа сайабылыанньа суруйдулар уонна куорат олохтоохторуттан кыыллары көрдөөһүҥҥэ кыттыһалларыгар көрдөһөллөр.

Уоруу түбэлтэтэ алтынньы 24 күнүгэр 17 кыбаарталга күнүс 1-2 чаас диэки буолбут. Бу кэмҥэ дьиэҕэ хаһаайыттар суох бириэмэлэрэ.

«Ыаллыы олорор дьоммут халлаан күөх сырдыга өҥнөөх кууркалаах, сырдык баттахтаах кыыс кыыллары илдьэ тахсан иһэрин көрбүттэр, эрээри, улахаҥҥа уурбатахтар, диэн СИА-ҕа кыыллар хаһаайкалара Ольга кэпсээтэ.

Боруода дьиэ кыылларын уоруу Дьокуускайга эрдэ да баар этэ диэн, дьахтар эбэн эттэ. Сыаналаах боруодалары атын куораттарга атыылаары уораллар, диэн Ольга сэрэйэр. Кини этэринэн, урут маннык түбэлтэ «4 лапки» зооприют волонтеругар буолбута.

Бэлиэтээн эттэххэ, мейн-кун боруода куоска орто сыаната 50 тыһыынча солкуобай, оттон той-терьер сыаната 25 тыһыынча.

Следите за самым важным и интересным в Telegram-канале и WhatsApp-группе ЯСИА
Тутаах тыллар