От ыйын 13 күнүгэр СӨ Бырабыыталыстыбата ирбэт тоҥ ириитигэр аналлаах, видеосибээс көмөтүнэн, «төгүрүк остуол» тэрийэн ыытта. Мунньахха учуонайдар, дьокутааттар, «Росгеология», «РУСГЕОТЕХ» тэрилтэ салайааччылара кыттыыны ыллылар.
ОДьКХ миниистирэ Дмитрий Садовников ирбэт тоҥ уларыйыытын аахайбат буолуу соторутааҕыта Норильскайга буолбут саахалга тиэрдиэн сөбүн эттэ. «Ыраата барбакка итини майгынныыр саахал Орто Халымаҕа тахсыбыта. Сир ириитэ олорор дьиэлэр алдьаныыларыгар тиэрдэр. 2010, 2011 и 2015 сылларга Дьокуускайга дьиэлэр сууллубуттара биллэр. Быйыл бэс ыйыгар биир дьиэ эмиэ эмсэҕэлээтэ», — диэтэ кини.
«РУСГЕОТЕХ» тэрилтэ салайааччыта Игорь Прокопюк ирбэт тоҥ ириитэ сэрэхтээҕин, бириэмэ ыгымын этэн туран, аан бастаан, туох баар кутталлаах эбийиэктэри учуокка ылары, сокуоннары саҥардар, тупсарар наадатын, эппиэттээх тэрилтэлэри быһаарары эттэ.
Сиһилии манна аах https://ysia.ru/vlasti-yakutii-priznayut-tayanie-vechnoj-merzloty-sereznoj-ekologicheskoj-problemoj/
