Ил Дархан Айсен Николаев бэҕэһээ Москубаҕа ыытыллыбыт Аартыкаҕа анаммыт норуоттар икки ардыларынааҕы форум кэмигэр аан дойдутааҕы ирбэт тоҥ саммитын 2023 сылга Дьокуускайга ыытарга этии киллэрдэ.
«Килиимэт уларыйыыта Аартыка, Хоту дойду төрүт олохтоохторун укулаата уларыйарыгар быһаччы сыһыаннаах. Ирбэт тоҥ ирэриттэн почва кээһэниитэ улахан кутталы үөскэтэр. Итинэн сиэттэрэн 2023 сылга аан дойдутааҕы ирбэт тоҥ саммитын Дьокуускайга ыытары этэбин», — диэтэ Айсен Николаев.
Кини эһиил өрөспүүбүлүкэҕэ ыытыллыахтаах Хотугу форум килиимэт уларыйыытыгар ананыан санатта.
