21 Тохсунньу 21.01
  • -48°
  • $ 73,82
  • 83,32

Булуҥ учууталлара оҕону үөрэтиигэ саҥа ньымалары тутталлар

10:20, 31 марта 2016
Текст:

Кулун тутар 29 күнүгэр Хара-Уулаах орто оскуолатыгар методическай десант үлэлээтэ. Улуус үөрэҕириитин үлэһиттэрэ, Арктикатааҕы гимназия учууталлара араас консультациялары, төгүрүк остуолу ыыттылар, уопут атастаһыыта буолла.


Эдэр учуутал Туйаара Михайлова  “Сүрүн судаарыстыбаннай эксээмэҥҥэ бэлэмнэнэбит” диэн ааттаах 8 кылаас үөрэнээччилэригэр биология предметигэр аһаҕас уруок ыытта. Тиксии оскуолатын учууталлара тус-туспа арахсан 9-11 кылаас оҕолоругар биология, математика, обществознание уруоктарыгар консультация ыыттылар, сүбэ-ама биэрдилэр.

Хара-Уулаах оскуолатын математикаҕа учуутала Ирина Цыпандина оҕолору хайдах үөрэтэрин туһунан кэпсээтэ.  Үөрэнээччилэри интэриэһэргэтэр гына араас холобурдары, ньымалары туттан үөрэтэр эбит. Араас таһымнаах олимпиадаларга кытталларын иһитиннрэдэ. Оскуолаҕа саамай кэрэхсэбиллээх уруогунан “Оленеводство” уруога буоларын бэлиэтээтэ. Оҕолор ыстаада, табаһыт олоҕун, хайдах үлэлиирин, туттар тэриллэрин көрөн кэрэхсииллэр эбит. Раиса Стручкова быйыл оҕолору кытта ыстаадаҕа бараары сылдьалларын туһунан иһитиннэрдэ. «Бу маннык тэринэн үлэлээбиппит иккис сыла», — диир кини.

Арктикатааҕы гимназия дириэктэрэ Наталья Шагланова уонна завуч Людмила Корякина оскуолаларын олоҕун билиһиннэрдилэр. Кинилэр үөрэнээччилэригэр инженернай-техническэй хайысханан күүскэ үлэлииллэрин, оҕолор сайдалларыгар барытын оҥоро, тэрийэ сатыылларын, оҕону инникитин үчүгэй киһи оҥорон таһаарар сыаллаахтарын эттилэр.

Түмүккэ улуус үөрэҕириитин начальнигын солбуйааччыта Агафья Попова: «Кэлэктиип үксэ эдэр дьон буолара киһини үөрдэр. Хас кэллэҕим аайы оскуолаҕыт тупсан иһэр, уларыйыы бөҕөнү оҥороҕут, инникитин да маннык таһаарылаахтык үлэлээҥ», — диэн Хара-Уулаах учууталларыгар баҕа санаатын эттэ.

0
0
21 января 21.01
  • -48°
  • $ 73,82
  • 83,32