Бу тэрээһиҥҥэ 80-ча делегат кыттыыны ылла. Булуҥ улууһун баһылыгын социальнай боппуруостарга солбуйааччы Р.Е. Мартынова, “БЦСПСиД” дириэктэрэ Т.Н. Асаева, “Россия ийэлэрэ” улуустааҕы тэрилтэ бэрэссэдээтэлэ З.Н. Свинобоева, дьахталлар Булуҥнааҕы сэбиэттэрин бэрэссэдээтэлэ С.В. Петрученко, бэрэссэдээтэли солбуйааччы Н.К. Слепцова дакылаат аахтылар. Күһүүр, Намыы, Найба нэһилиэктэрин дьахталларын түмсүүлэрин делегаттара үлэлэрин-хамнастарын билиһиннэрдилэр.
Делегаттар конференция резолюциятын дьүүллэстилэрр. Улуус актыбыыстарын наҕараадалааһын буолла. Саха Өрөспүүбүлүкэтин баһылыгын бэрэстэбиитэлэ И.В. Кудряшов нэһилиэк бэрэстэбиитэллэрин кытта көрсөн, туох кыһалҕалаахтарын ыйыталаста.
Конференцияҕа Дремова Татьяна Дмитриевнаны (Тиксии) уонна Плотникова Саргылаана Семеновнаны (Күһүүр) Саха сирин дьахталларын XXIV съезтэригэр делегатынан таллылар. Үһүс делегат оройуон дьаһалтатыттан барыаҕа.
Күнүстэн киэһэ “аһаҕас аан” тэриллэн, улуустааҕы балыыһа, “Мои документы” офис, социальнай көмүскэл управлениетын, Пенсионнай фонда уонна субсидия агенствотын үлэһиттэрэ нэһилиэк бэрэстэбиитэллэрин ыйытыыларыгар хоруйдаатылар.
