25 От ыйа 25.07
  • 22°
  • $ 86,55
  • 94,38

Барыллааһын быһыытынан Өлүөнэ өрүһү туоруур муоста Саха АССР төрүттэммитэ 100 сылыгар тутуллуоҕа

10:50, 16 мая 2016
Читайте нас на
Яндекс Новости
ЯДВ

МостПроектИнститут Кытай компаниятын бырайыактыыр үлэһиттэрэ «СиноГидро» бэрэстэбиитэллэрин кытта ыам ыйын 14 күнүгэр Дьокуускайга Өлүөнэ өрүһү туоруур муоста тутуллуохтаах сиригэр сырыттылар. Кинилэр матырыйааллары, ол иһигэр муус барыытын үөрэтэр дааннайдары хомуйаллар.


«Биһиги билигин саамай наадалаах матырыйааллары хомуйуохтаахпыт. Онно географическай, топографическай, сейсмическэй уонна гидрологическай дааннайдар киирэллэр», —диэн МостПроектИнститут бырайыактыыр үлэһитэ Ли Ци СИА-ҕа эттэ.

Кини Кытай «СиноГидро» компанияны кытта Өлүөнэ өрүһү туоруур муостаны хаачыстыбалаахтык тутарга улахан уопуттаахтарын бэлиэтээн эттэ. Барыллааһын быһыытынан Саха АССР тэриллибитэ 100 сылын көрсө бырайыак олоххо киириэхтээх.

Кытай корпорациятын Россиятааҕы партнера «ИКК «Вектор» ХЭТ генеральнай диэиктэрэ Борис Шушкевич этэринэн, бырайыактыыр-смета докумуоннарын оҥоруу сэтинньиттэн ыла саҕаланар. Онно судаарыстыба экспертизата киирэ сылдьар. Экспертиза барыллаан 1,5 сыл ыытыллар.

«Муоста бырайыага хайаатар да науканан бигэргэммит буолуохтаах. Ирбэт тоҥу үөрэтэр институту кытта гидрологическай балаһыанньаны, ол эбэтэр саас өрүскэ муус ууллуута, устуута хайдаҕын, халаан уутугар былдьанар сирдэри, дамбаны тутууну, о.д.а. сирийэн үөрэтиэхтээхпит», — диир Шушкевич.

Следите за самым важным и интересным в Telegram-канале и WhatsApp-группе ЯСИА