2023 сыл балаҕан ыйыгар Саха сиригэр 922 оҕо күн сирин көрдө. Олортон 464 уол уонна 458 кыыс. Бу туһунан регион баһылыгын уонна бырабыыталыстыбатын пресс-сулууспата иһитиннэрэр.
ЗАГС управлениетын дааннайынан, балаҕан ыйыгар уолаттарга ордук Александр, Артем, Богдан, Лев, Марк, Мирон, Михаил, Тимур, Эркин диэн ааттары иҥэрдилэр.
Арсений, Борис, Василий, Георгий, Демьян, Евгений, Игорь, Мир, Петр, Семен, Трофим, Федор, Эдуард диэн ааттар сэдэхтэргэ кииристилэр.
Онтон кыргыттарга балаҕан ыйыгар ордук элбэхтэ Аделина, Анна, Виктория, Ева, Милана, Мия, София, Эмилия диэн ааттары биэрдилэр.
Кыргыттар быыстарыгар сэдэх ааттарга бу ый түмүгүнэн Альбина, Василина, Дария, Елена, Златослава, Изольда, Калерия, Лилия, Милена, Надежда, Серафима, Татьяна киирдилэр.
Быйыл тоҕус ый устата барыта 8330 оҕо төрөөтө, олортон 4235 уол уонна 4095 кыыс.
