23 От ыйа 23.07
  • 20°
  • $ 87,78
  • 95,76

"Азия оҕолоро": "Эллэй Боотур" спортсменнары көрсөргө бэлэмнэнэр

09:23, 06 июня 2016
Читайте нас на
Яндекс Новости
ЯДВ

«Эллэй Боотур» спорткомплекс «Азия оҕолоро» спортивнай оонньуулар ыытыллар 12 объектарыттан биирдэстэрэ буолар. От ыйын 6 күнүгэр манна художественнай гимнастика, салгыы дзюдоҕа уонна тхэквондоҕа күрэхтэһиэхтэрэ. СИА кэрэспэдьиэнэ  өрөмүөн үлэтин билсээри спорткомплекска тиийэ сырытта.


Спорткомплекс икки улахан тутуулаах: муус дыбарыас уонна «Туймаада» стадион.

Дыбарыас 1996 сыл бэс ыйыгар үлэҕэ киллэриллибитэ. Иэнэ — 10 тыһ.кв.м. Манна хореография уонна физическай бэлэмнэнии саалалара, каток бааллар. Билигин манна 1-3 этээстэргэ кырааска үлэтэ ыытыллыбыт, каток конструкцияларын кырааскалыы сылдьаллар. Үлэтэ ыарахан буолан, бэлэмнээх альпинистар ылсыбыттар. Ити кэннэ электричество уотун  уонна сырдатар тэриллэри таҥан туруоруу, холбооһун ыытыллыа.

«Бу саҥа лаампалары туруордахпытына, уокка төлөбүр лаппа кыччыа. Олус элбэҕи төлүүр этибит. Дьиэбит улахан, киэҥ, хас этээс аайы уот күнү быһа холбонон турар, ол иһигэр катокка түүн 12 чааска диэри. Ол иһин сырдатар прибордары уларытарга соруннубут«, — диэн кэпсиир «Эллэй Боотур» дириэктэрэ Вячеслав Евсюков.

Таҥас ыйыыр, душтанар сир барыта капитальнайдык өрөмүөннэммиттэр: саҥа сантехника уонна аныгылыы истиэнэ, муоста.

Манна төһө суума судаарыстыба бюджетыттан  барбытын дириэктэр чуолкай эппэтэ. Онтон аһаҕас источниктартан көрдөххө, ис үлэлэргэ уонна бастакы этээһи өрөмүөннээһиҥҥэ  2,7 мөл.солк., 2 уонна 3 этээстэргэ 1,5 мөл.солк. туттулубут.

Бэс ыйын ортото Оонньуулар дириэксийэлэрэ тас баннердары уонна вывескалары уларытыа, оттон объект тас өттүн сууйуу саҕаланыа. Спорткомплекс бэлэмин туһунан аккредитацияны бэс ыйын 15 чыыһылатын кэннэ ааһыаҕа.

Следите за самым важным и интересным в Telegram-канале и WhatsApp-группе ЯСИА