Аллараа Бэстээххэ баһаарынайдара дьаамаҕа түспүт сылгыны ороотулар. Сылгы дьааматтан төбөтө эрэ көстөр буолан, бэйэтэ тахсар кыаҕа суоҕа.
Саха сирин судаарыстыбаннай баһаартан сэрэхтээх буолуу сулууспатын иһитиннэриитинэн, сылгы алдьархайыгар түбэспитин туһунан иһитиннэрии олохтоохтортон балаҕан ыйын 26 күнүгэр киирбит. Сылгы «Дайаана» маҕаһыын кэннигэр баар дьаамаҕа түспүтүн, олохтоох киһи көрөн тыллаабыт.
Быһылаан тахсыбыт сиригэр 4 №- дээх дьуһуурунай караул Мэҥэ Хаҥалас оройуонун баһаарынай сулууспатын 1 №- дээх отделын хамандыырын кытта сонно тута тахсыбыт.
Сылгыны оҥхойтон ороору баһаарынайдар бастаан дьааманы күрдьэҕинэн кэҥэтэн биэрбиттэр. Ол кэннэ сылгыны 16 мүнүүтэ иһинэн этэҥҥэ орообуттар.
