Саха сиригэр кэнники сууккаҕа 41 киһи коронавируһунан ыарыйда, онтон 9-һа балыыһаҕа киирдэ, 28 киһи үтүөрдэ. Бу туһунан сэтинньи 11 күнүгэр сарсыарда өрөспүүбүлүкэтээҕи оперштаб иһитиннэрдэ.
Ордук элбэх киһи Дьокуускайга ыарыйда — 23, Абый, Үөһээ Бүлүү, Кэбээйи, Ленскэй уонна Мииринэй оройуоннарыгар – 2-лии, Алдан, Мэҥэ-Хаҥалас, Нам, Нерюнгри, Ньурба Өлүөхүмэ, Уус- Алдан уонна Уус-Маайа оройуоннарыгар-1-дии.
Ыалдьыбыт дьон 27,3% стационарга эмтэнэллэр, 72,7% дьиэлэригэр.
Сууккаҕа өрөспүүбүлүкэ лабораторията коронавируснай инфекцияҕа 1486 чинчийиини ыыттылар. Пандемия саҕаланыаҕыттан барыта 2 635 414 тест оҥоһуллунна.
