2023 сыл бүтүөр диэри Саха сиригэр 650 тыһыынча кв. миэтэрэ иэннээх олорор дьиэ үлэҕэ киириэҕэ. Бу туһунан чэппиэргэ регион тутуутун миниистирэ Павел Кылатчанов быһа эфир кэмигэр иһитиннэрдэ.
Атырдьах ыйын 1 күнүнээҕи туругунан өрөспүүбүлүкэҕэ 319 тыһыынча кв. м иэннээх элбэх кыбартыыралаах уонна чааһынай дьиэ үлэҕэ киирдэ. «Бүгүҥҥү күҥҥэ олорор дьиэни тутуу үлэтэ 50 бырыһыан толорулунна. Балаҕан ыйын 1 күнүнээҕи түмүгү аныгыскы нэдиэлэҕэ таһаарыахтара», — диэтэ миниистир.
Кылатчанов Саха сиригэр дьиэни киллэрии үгэс быһыытынан сыл төрдүс кыбаарталыгар былааннанарын, онон сыл бүтүүтэ былаан туоларын бэлиэтээтэ.
