23 От ыйа 23.07
  • 28°
  • $ 87,78
  • 95,76

Журова уонна Свищев "Азия оҕолоро" оонньуулар тэрийэр кэмитиэтин састаабыгар киирдилэр

Читайте нас на
Яндекс Новости
ЯДВ

РФ бырабыыталыстыбата VII норуоттар ардыларынааҕы «Азия оҕолоро» сайыҥҥы спортивнай оонньууларга тэрийэр кэмитиэт састаабыгар Госдума норуоттар ардыларынааҕы дьыала кэмитиэтин бэрэссэдээтэлин бастакы солбуйааччытын Светлана Журованы, дьиэ кэргэн, дьахтар уонна оҕо дьыалаларыгар кэмитиэт бэрэссэдээтэлин Нина Останинаны, физкультураҕа уонна спортка кэмитиэт бэрэссэдээтэлэ Дмитрий Свищевы киллэрдэ. Уураах быраап информациятын порталыгар таҕыста, суруйар ТАСС.

От ыйын 27 — атырдьах ыйын 8 күннэригэр Приморьеҕа ыытыллар «Азия оҕолоро» оонньууларга 1 650 спортсмен 26 дойдуттан кыттыаҕа. Спорт 19 көрүҥэр 273 комплект наҕараада оонньонуоҕа.

«Азия оҕолоро» оонньуулар аан бастаан 1996 сыллаахха Саха сиригэр бигэргэммиттэрэ уонна ыытыллыбыттара. Дьаһал аныгы олимпийскай хамсааһын 100 сылыгар анаммыта.

Күрэхтэһии түөрт сыл буола-буола ыытыллар, спорт 20 көрүҥэр.

Бу Норуоттар ардыларынааҕы олимпийскай кэмитиэт уонна ЮНЕСКО патронатынан ыытыллар Россия соҕотох бырайыага.

2016 сыллаахха регион бырабыыталыстыбатынан күрэхтэһии атын субъектарга уонна дойдуларга ыытылларыгар быһаарыы ылыллыбыта.

Следите за самым важным и интересным в Telegram-канале и WhatsApp-группе ЯСИА