22 От ыйа 22.07
  • 23°
  • $ 88,02
  • 96,04

Ыар сүтүк: Валерий Керемясов сырдык тыына быһынна

12:59, 12 февраля 2016
Текст:
Читайте нас на
Яндекс Новости
ЯДВ

Олунньу 12 күнүн сарсыардатыгар кутурҕаннаах сонуну туттубут. Белоруссия киин куоратыгар, Минскэйгэ, көҥүл тустууга үөрэтэр-эрчийэр түмсүүгэ тиийэ сылдьан, биһиги биир дойдулаахпыт, Саха Республикатын үтүөлээх тренерэ Валерий Петрович Керемясов массыына саахалыгар түбэһэн, сырдык тыына быстыбытын туһунан иһитиннэрии кэллэ.

Биллэрин курдук, Валерий Петрович иитиллээччитэ, Европа уонна аан дойду чемпионаттарын призера Владислав Андреевы көрөн-истэн, бүөбэйдээн Минскэйгэ аҕыйах хонугунан буолуохтаах Александр Медведь аатынан норуоттар икки ардыларынааҕы Гран-при турнирга туһуннараары бэлэмнии сылдьыбыта…

Валерий Петрович Керемясов туһунан сырдык өйдөбүл биһиги сүрэхпитигэр өрүү тыыннаах буолуоҕа. Дьиэ кэргэнигэр, аймахтарыгар, бары билэр дьонугар барыларыгар дириҥ кутурҕаммытын тиэрдэбит.

Ыспыраапка:

Валерий Петрович Керемясов – сэтинньи 26 күнүгэр 1959 сыллаахха төрөөбүтэ. Көҥүл тустууга ССРС, хапсаҕайга СР спордун маастара, СР үтүөлээх тренерэ, РФ физическэй культураҕа уонна спорка үтүөлээх үлэһитэ, ССРС профтехүөрэхтээһинин туйгуна, Тулагы бөһүөлэгин уонна Чыаппара сэлиэнньэтин бочуоттаах гражданина.

Көҥүл тустууга РСФСР 1988 с. чемпиона, ССРС чемпионаттарын 1984, 1986 сс. төрдүс, 1988 с. бэһис призера. Минскэйгэ, Монголияҕа, Венгрияҕа ыытыллыбыт норуоттар икки ардыларынааҕы турнирдар призердара. Тренерэ – спорт үтүөлээх маастара Александр Николаевич Иванов.

Следите за самым важным и интересным в Telegram-канале и WhatsApp-группе ЯСИА
Тутаах тыллар