Владивостоктааҕы Уһук Илиҥҥи баһаарынай-быыһыыр академия абитуриеннары «Техносферная безопасность» диэн түөрт сыллаах үөрэххэ күүтэрин биллэрэр.
Үөрэххэ туттарсааччылар биир кэлим эксээмэннэрин түмүгэ нуучча тылыгар 36 балл, математикаҕа — 27 б., физикаҕа — 36 б. буолуохтарын сөп. Орто анал үөрэхтээх дьон ити эксээмэннэри академияҕа бэйэтигэр туттараллар. Маны таһынан, физическэй бэлэмҥэ тургутугу ааһаллар. Уолаттар 100 м, 3000 м кросс сүүрэллэр, тардынан көрдөрөллөр. Кыргыттар 100 м, 1000 м кросс сүүрэллэр, пресска, анньыныыга эрчиллиилэри оҥороллор.
Абитуриеннар байыаннай-быраас хамыыһыйатын, уйулҕа тургутугун ааһаллар.
Докумуоннары муус устар 1 күнүгэр диэри МЧС Саха сиринээҕи салаатыгар туталлар. Үөрэххэ туттарсыы от ыйыгар былааннанар. Билсэр тел: 507-725, Академия саайта https://dv.igps.ru/
