Саха тутууктара Владислав Андреев уонна Ньургун Скрябин, Белоруссия туһатыгар киирсээччилэр, бу дойду Кубогын кыайыылаахтарынан буоллулар. СИА Дьулур5ан саайтка сигэнэн суруйар.
33 саастаах Владислав Андреев 61 кг диэри ыйааһыҥҥа кииристэ. Финал чиэппэригэр Владислав Щуконы кытта киирсэн, 11:0 баһыйда, финал аҥарыгар — Иван Громыконы (12:1) уонна финалга — Евгений Ребиковы (12:2).
30 саастаах Ньургун Скрябин 65 кг диэри ыйааһыҥҥа туһунна. Финал чиэппэригэр Никита Демченконы 12:1 баһыйа тутта, финал аҥарыгар – Дмитрий Пригожияны 10:0, финалга — Владислав Койконы 12:2.
Билигин уолаттар аан дойду чемпионатыгар бэлэмнэнэллэр, ахсынньыга Белградка (Сербия) буолар.
