Бүгүн күнүс Киров аатынан уулусса 29-гар баар Сбербаан дьиэтин сороҕо эмтэрийэн түстэ.
Ити түмүгэр бэһис этээскэ баар балкон алдьанна. Ону таһынан атыы ларега, үс массыына эмсэҕэлээтэ.
«Ларек атыылааччыта быһылаан түмүгэр улаханнык эмсэҕэлээтэ. Ыарахан турктаах киһини суһал көмө массыыната илдьэ барбыта. Дьолго, таас түспүт массыыналарыгар ким да суох буолан биэрдэ», — диэн СИА-ҕа быраабы араҥаччылыыр уорганнар үлэһиттэрэ эттилэр.
Быһылаан кэмигэр Сбербаан дьиэтигэр баар 50-ча киһини куттала суох сиргэ илтилэр.
Билигин ЫБММ, полиция, балыыһа үлэһиттэр быһылаан тахсыбыт сиригэр бааллар.
