«Студенческай стартап» куонкуруска сайаапка хомуллан бүтүөр диэри икки нэдиэлэ хаалла. Манна бакалавриат, специалитет, магистратура уонна аспирантура устудьуоннара кыттыыны ылыахтарын сөп. Кинилэр бэйэлэрин чинчийиилэригэр олоҕуран саҥа табаары, оҥоһугу, технологияны эбэтэр өҥөнү оҥоруохтаахтар, диэн СИА иһитиннэрэр.
Бырайыактары сүүмэрдээһин сэттэ хайысханан ыытыллыаҕа:
- сыыппара технологията;
- медицина уонна доруобуйа харыстабылын технологиялара;
- химическэй технологиялар уонна саҥа матырыйааллар;
- саҥа прибордар уонна интеллектуальнай производственнай технологиялар;
- биотехнология;
- ресурсу харыстыыр энергетика;
- креативнай индустриялар.
Куонкурус хамыыһыйата 1000 саамай кэскиллээх идеялары талыаҕа. Кинилэр ааптардара бырайыагы олоххо киллэриигэ 1-дии мөлүйүөн солкуобайы ылыахтара. Федеральнай бүддьүөттэн үп- харчы көрүллүөҕэ. Сиһилии балаһыанньаны «Студенческий стартап» сайтка булуохха сөп.
«Куонкурус устудьуоннар ортолоругар улахан интэриэс үөскэппитин көрөбүт. Сайт хас биирдии үһүс көрөөччүтэ сайаапканы толорон саҕаланна. Онуоха эдэр дьон бырабыыталыстыба өйүүр хайысхаларыгар бырайыактарын көрдөрөллөр — цифровизация уонна импорты солбуйааһын. Билиҥҥитэ куонкуруска киирбит сайаапка 32%-на цифровой технологиялар сайдыыларын кытта сибээстээх. Өссө 21% саҥа прибордары уонна производственнай технологиялары тэрийэр аналлаахтар«, — диэн Арассыыйа бырабыыталыстыбатын бэрэссэдээтэлин солбуйааччы Дмитрий Чернышенко кэпсээтэ.
Сайаапкалары муус устар 11 күнүгэр Москва бириэмэтинэн 10 чааска диэри тутуохтара. «Студенческий стартап» куонкуруһу тэрийээччинэн үөрэх уонна наука министиэристибэтэ инновация пуонадатын кытарары буоллулар.
