Казань куоракка мас-рестлиҥҥэ ыытыллар Россия чемпионатыгар Саха сирин сүүмэрдэммит хамаандата билиннэ. Састаап өрөспүүбүлүкэ уонна Уһук Илиҥҥи күрэхтэһиилэр түмүктэринэн талылынна. Дойдутааҕы киирсии Дьокуускайга сайын буолуохтаах аан дойду түһүлгэтигэр тахсыыга талыы буолуоҕа, суруйар СИА.
Россия чемпионата муус устар 22-24 күннэригэр Казаньҥа «АК Барс» единоборство дыбарыаһыгар ыытыллыаҕа уонна Саха АССР 100 сылыгар ананар. Регионнартан хас ыйааһын аайы иккилии спортсмен кыттара көҥүл. Кыайыылаахтар бэс ыйын 23-27 күннэригэр Дьокуускайга аан дойду чемпионатыгар Россияны көмүскүөхтэрэ.
СИА-ҕа састаап туһунан хамаанда старшай тренерэ Алексей Агапов иһитиннэрдэ.
Бастакы хамаандаҕа: Наталья Черноградская (55 кг), Норайаана Трофимова (65 кг), Ирина Севрюк (75 кг), Саина Сивцева (85 кг), Татьяна Баишева (+85 кг), Артур Жирков (60 кг), Дмитрий Саввин (65 кг), Ньургун Антонов (70 кг), Семен Ануфриев (75 кг), Дьулустан Ноговицын (80 кг), Павел Черноградскай (90 кг), Дмитрий Попов (105 кг), Эрчим Баппагай (125 кг), Евгений Попов (+125 кг). Балар бары Саха сирин чемпионатын кыайыылаахтара.
Иккис хамаанда Уһук Илиҥҥи күрэхтэһии түмүгүнэн талылынна. Хамаандаҕа Татьяна Дьячковская (55 кг), Марина Федоренко (65 кг), Лия Плотникова (75 кг), Татьяна Попова (85 кг), Наталия Старкова (+85 кг), Василий Муксунов (60 кг), Константин Жирков (65 кг), Александр Пшенников (70 кг), Иван Гуляев (75 кг), Семен Атаков (80 кг), Владимир Никитин (90 кг), Василий Сивцев (105 кг), Михаил Гоголев (125 кг), Василий Данилов (+125 кг) бааллар.
