Өлүөнэ өрүскэ муус барыытын көхтөөх фазата Ленскэй уонна Өлүөхүмэ оройуоннарын территорияларынан ааһар. Муус алын кырыыта Хаҥалас оройуонугар Кытыл-Дьураа сэлиэнньэҕэ тиийдэ. Онно уу таһыма кутталлаах бэлиэттэн (1631 см) намыһах, хойуу муус барыыта көстөр. Бу туһунан ыам ыйын 15 күнүгэр сарсыарда Россия ЫБММ Саха сиринээҕи салаата иһитиннэрдэ.
Үөһээ кырыыта Ленскэй оройуонун Мурья сэлиэнньэтин аттыгар баар, уу таһыма эмиэ кутталлаах бэлиэттэн (920 см) намыһах, муус устара сэдэх.
Муус устуутун уопсай уһуна 726 км, сууккаҕа 80 км инники барда.
Чугастааҕы сууккаҕа муус хамсааһына Покровскайга күүтүллэр, Дьокуускайга өрүс аһыллыыта ыам ыйын 16-17 күннэригэр сабаҕаланар.
Сиһилии манна ааҕыҥ.
