28 Тохсунньу 28.01
  • -48°
  • $ 73,82
  • 83,32

Саха сиригэр салайар каадырдары анаан сүүмэрдииллэр

2015 сыллаахха Ил Дархан Егор Борисов өрөспүүбүлүкэ ыччатын каадыр саппааһын талар туһунан анал ыйааҕа тахсыбыта.


Суолталаах докумуону олоххо киллэрэр сыалтан Дьиэ кэргэн уонна ыччат бэлиитикэтин министиэристибэтэ быйылгы сыл саҥатыттан аан бастаан көхтөөх ыччаты салайар үлэ миэстэтигэр саппааска эрдэттэн бэлэмнээри, анал куонкуруһу тэрийбитэ. Ыччат тэрилтэлэригэр эрдэттэн ыытыллыбыт балаһыанньаҕа олоҕуран, куонкурус бастакы этаабыгар 260 сайаапка киирбитэ. Испииһэккэ киирбит дьон бары бырабыыталыстыба салайар каадырдары бэлэмниир институтугар анал тестированиены ааспыттара.

Кинилэртэн 167 киһи бу сорудаҕы толорон, иккис этаапка хабыллан, эссе суруйбуттара. Бу күннэргэ ыччаттар аны үһүс түһүмэҕи – собеседование ааһан эрэллэр.
Аҕыйах хонуктааҕыта буолан ааспыт “Хотугу Синергия” форумҥа кыттыбыт көхтөөх ыччаттартан каадыр саппааһыгар хас да уһулуччу кыахтаах ыччаты таллыбыт. Уопсайа 100 ыччат сүүмэрдэниэхтээх, — диэн бэлиэтиир Ыччат бэлиитикэтин миниистирин бастакы солбуйааччы Василина Лукина.

Куонкурсу ситиһиилээхтик ааспыт тыа сирин ыччаттара министиэристибэлэргэ уонна улахан тэрилтэлэргэ үлэлээн бэйэлэрин көрдөрүөхтэрэ. Оттон куоракка үлэлиир эдэр исписэлиистэр, төттөрүтүн, тыа сиригэр тиийэн үлэлиэхтэрэ.

0
0
28 января 28.01
  • -48°
  • $ 73,82
  • 83,32