Россия почтата саҥа киэптээхтик үлэлиир салаата Нерюнгрига арылынна. Бу Саха сиригэр бастакы буолар уонна «аһаҕас сир» бириинсибинэн үлэлиэҕэ, почта уонна үп бары өҥөтүн оҥоруоҕа.
«Почта саҥа дьиэтэ аныгы стандартарга барытыгар эппиэттиир. Нэһилиэнньэ өҥөҕө наадыйыытын толуйуо уонна үөрдүө», – диэтэ Нерюнгри оройуонун баһылыгын солбуйааччыта Александр Трофимов саҥа салаа арыллыытын өрөгөйдөөх чааһыгар.
Россия почтатын бырайыагын сүрүн сыала — баар былаһааккалары туһанан дьон табыгастаахтык наадыйар өҥөтүн ыларын хааччыйыы. Отделение үгүс чааһа автоматизированнай. Оборудованиелара уонна бырагырааманан хааччыллыыта барыта Россияҕа оҥоһуллубут. Электроннай уочарат тэриллибит, бэрээдэктиир аналлаах. Отделение салалтатын үлэлиир миэстэтэ оператордары кытта тэҥҥэ баар, бу уочарат элбээтэҕинэ салайааччы кэллиэгэлэрин кытта нэһилиэнньэҕэ өҥө оҥоруутугар кыттыһарыгар кыаҕы үөскэтэр.
Сиһилии https://ysia.ru/pochtovoe-otdelenie-novogo-formata-otkryli-v-yakutii/
