Үөрэх министиэристибэтэ уонна Рособрнадзор 2022 сылга 9 кылааһы бүтэрээччилэр туттарар бигэргэтиллибит эксээмэннэрин расписаниетыгар уларытыылары бэлэмнээтилэр. Үс биридимиэккэ — нуучча тыла, математика, обществознание — сүрүн судаарыстыбаннай эксээмэн буолар болдьоҕо уларыйда.
Эксээмэннэри туттарыы болдьоҕор эбии күнү аныырга уонна ону икки күн ыытарга диэн этиллэр. Рособрнадзорга эппиттэринэн, бу саамай маассабай үс эксээмэни санитарнай-эпидемиологическай ирдэбил миэрэлэрин барытын тутуһуннаран ыытар туһуттан уларытыы ылыллар. Регионнар эксээмэни биир дуу, икки дуу күн ыыталларын бэйэлэрэ быһаараллар.
Онон ОГЭ сүрүн түһүмэҕэр эбиллибит күннэрдээх кыраапык маннык буолар:
- ыам ыйын 19 уонна 20 күннэрэ — иностраннай тыллар;
- ыам ыйын 23 уонна 24 күннэрэ — математика;
- ыам ыйын 27 уонна 28 күннэрэ — обществознание;
- бэс ыйын 1 күнэ — история, физика, биология уонна химия;
- бэс ыйын 7 уонна 8 күннэрэ — нуучча тыла;
- бэс ыйын 15 күнэ — биология, информатика, география уонна химия;
- бэс ыйын 22 күнэ — литература, физика, информатика, география.
Бэс ыйын 4 — 9 күннэригэр эксээмэн туттарыытыгар саппаас күннэр бэриллэллэр.
