19 От ыйа 19.07
  • 17°
  • $ 87,88
  • 96,1

Нерюнгриттан кыттар аҕалаах уол кыһыҥҥы спартакиада чемпионнарынан буоллулар

10:01, 27 марта
Текст:
Хаартыска: ЯСИА саайта
Читайте нас на
Яндекс Новости
ЯДВ

Денис уонна Никита Ивлевтар Кыһыҥҥы спартакиадаҕа Нерюнгри оройуонун сүүмэрдэммит хамаандатыгар кыһыл көмүс мэтээллэри аҕаллылар. Аҕа уонна уол хайа хайыһарын спордугар историяҕа киирэр түмүктэри көрдөрдүлэр.

Кинилэри сргэ Алдан хамаандатыттан кыттар ийэ уонна кыыс Стуканевтар призердарынан буоллулар, суруйар ЯСИА.

Бастаан хайа хайыһарын спорда Нерюнгрига буолуохтааҕа, ити эрээри Алдаҥҥа көһөрүллүбүт. 450 м уһуннаах саҥа трассаҕа бэйэлэрин кыахтарын көрдөрө 50 спортсмен стартка тахсар.

Эр дьоҥҥо Денис Ивлев кыайар. Кини уола Никита юниордарга бастыыр. Бу спорт көрүҥүнэн Ивлевтар дьиэ кэргэнинэн дьарыктаналлар.

Эр дьоҥҥо иккис — Вадим Мазурек Алдантан, боруонсаны Лева Дубовой Дьокуускайтан ылар. Юниордарга иккис — Александр Воробьев Нерюнгриттан, Амир Струговец Алдантан — үһүс. Юниоркаларга Альбина Папок Дьокуускайтан бастыыр, Евгения Широчина Нерюнгриттан иккис буолар, Алена Федо Алдантан — үһүс.

Дьахталларга бастыҥ түмүгү Клавдия Березкина Намтан көрдөрөр. Спартакиада ураты көстүүтүнэн Алдан хайыһардьыттара ааттаналлар. Мария Стуканева юниоркаларга үрүҥ көмүс мэтээли ылар, кини ийэтэ Наталья — боруонсаны иилинэр.

Следите за самым важным и интересным в Telegram-канале и WhatsApp-группе ЯСИА