21 Тохсунньу 21.01
  • -48°
  • $ 73,82
  • 83,32

Нам улууһугар сир боппуруоһугар сүбэ мунньах буолла

11:09, 20 января 2016
Текст:

Мунньахха СР Сир-уот, баай-дуол сыһыаннаһыыларыгар министрин бастакы солбуйааччы Сергей Местников уонна СР сири-уоту дьаһайар департаменын начальнига Ньургустана Пахомова уонна кини солбуйааччыта Анастасия Николаева РФ Уһук Илин регионугар киирэр субъектар сирдэриттэн (о.и. Саха сириттэн) Россия гражданнарыгар 1 гектар сири босхо биэрии туһунан РФ Государственнай Думатынан ылыныллыахтаах сокуон барылын ырытан, быһааран биэрдилэр.

Бу олус наадалаах тэрээһиҥҥэ 9 баһылык, улууспут 19 нэһилиэгиттэн 17 землеустроитель сырытта. Бу сокуон РФ Государственнай Думатыгар бастакы ааҕыыга дьүүллэһиллибитэ. Аны субъектартан, гражданнартан киирэр этиилэр учуоттанан, сокуон барыла чочуллан, көрүллэн кэлэр ый саҥатыгар ылыныллыа диэн кэтэһэбит. Туһааннаах сокуон күүһүгэр ыам ыйын 1 күнүттэн киириэхтээх.

Биһиги улууспут республикаҕа бастакынан «пилотнай бырайыакка» киирэрин туһунан быһаарылынна. Улуус олохтоохторо, урут сири ылбыттар, туһана сылдьааччылар, баар докумуоннарын хомуйан олохтоох дьаһалтаҕа, эбэтэр муниципальнай баайга-дуолга, сиргэ-уокка улуустааҕы казеннай тэрилтэҕэ тиийэн туһааннаах учаастактара электроннай картаҕа көстөрүн-көстүбэтин билсиэхтэрин, чуолкайдаһыахтарын наада.

Сир учаастага кадастровай инженердэринэн быысаһыыта оҥоһуллубут (межевание) уонна государственнай регистрацияны барбыт буоллаҕына эрэ, электроннай картаҕа киирэн хаһаайыннааҕа көстөр. Онон докумуон ситэри оҥоһулларын ситиһэр туһуттан сир хайаатар да кадастрданыахтаах, государственнай регистрацияны барбыт буолуохтаах.

Мунньаҕы тэрийээччилэр нэһилиэк баһылыктарыгар, туһааннаах специалистарга тустаах сокуону үчүгэйдик билэн-үөрэтэн баран, нэһилиэнньэҕэ быһааран биэрэр эбээһинэстээхтэрин, тэрээһин үлэни үчүгэйдик иилээн-саҕалаан ыытыахтаахтарын санаттылар.

Иннокентий Иванов

0
0
Тутаах тыллар
21 января 21.01
  • -48°
  • $ 73,82
  • 83,32