20 От ыйа 20.07
  • 17°
  • $ 88,02
  • 96,04

Нам улууһугар дезинфекциялыыр үлэ ыытыллыаҕа

Читайте нас на
Яндекс Новости
ЯДВ

Ыам ыйын 30 күнүттэн (14.00 чаастан) саҕалаан ыам ыйын 31 күнүн толору Нам улууһугар маассабай дезинфекциялыыр үлэ ыытыллыаҕа. Бу кэмҥэ олохтоохтор «самоизоляция» эрэһиимин тутуһаллара булгуччулаах, СИА суруйар.


Оройуон бары тэрилтэлэрин эбийиэктэрэ, онно сыһыарыллыбыт территориялар, маҕаһыыннар, уопсастыбаннай сирдэр, элбэх кыбартыыралаах дьиэлэр, сквердэр, уулуссалар, тротуардар, уопсастыбаннай туалеттар, бомуойа дьаамалара  барыта дезинфекцияланыахтара. Бу туһунан олохтоох суһал штаб иһитиннэрдэ.

«Коронавирус тарҕаныытын балаһыанньата биһиги улууспутугар уустугурда. Дьиэ кэргэн иһигэр ыалдьыы элбэх, тоҕо диэтэххэ дьон «самоизоляция» эрэһиимин тутуспат. Киин балыыһа үлэһиттэрэ инфекция тарҕамматын туһугар туох баар миэрэлэри, дьаһаллары ылаллар, күүстээх үлэни ыыталлар.  Бу күннэргэ күүстээх дезинфекция атыы туочукаларыгар, уулуссаларга, уопсастыбаннай миэстэлэргэ ыытыллыаҕа. Олохтоохтор эмиэ дьиэлэрин дезинфекциялыылларыгар көрдөһөбүт. Бу дьаһалтан биһиги сыстыганнаах дьаҥы кытта охсуһуубутугар инникибит биллиэҕэ», — диэтэ Нам улууһун киин балыыһатын кылаабынай бырааһа Ариан Сергеев эттэ.

Следите за самым важным и интересным в Telegram-канале и WhatsApp-группе ЯСИА