Өрөспүүбүлүкэҕэ Москва куорат күннэрэ ыытыллар кэмнэригэр бу куорат Киһи быраабыгар боломуочунайа Татьяна Потяева Дьокуускайдааҕы 1 №-дээх Силиэстийэлиир изоляторга сырытта.
Бу туһунан СИА-ҕа РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Кинини СӨ Киһи быраабыгар боломуочунайын аппараатын салайааччыта Дмитрий Федоров, Накаастабылы толорор управление начальнигын киһи быраабын тутуһууга көмөлөһөөччүтэ Анастасия Потапова итиэннэ СИЗО-1 начальнига, ис сулууспа подполковнига Вячеслав Жидецкэй арыаллаатылар.
Москва омбудсмена изоляторга олорооччулар хайдах усулуобуйалаахтарын көрө-билсэ, икки сыллааҕыта үлэҕэ киирбит саҥа корпус камераларыгар, хаһаайыстыбаннай чааска үлэлиир хаайыылаахтар этэрээттэригэр, библиотекаҕа, православнай итэҕэллээхтэр үҥэр хосторугар сырытта. Маны тэҥэ, дьыалалара силиэстийэлэнэ сылдьар сокуоннай саастарын ситэ илик оҕолору, онтон да атын камераларга олорор дьону кытта кэпсэттэ.
Боломуочунай бу сырыытын түмүгэр, 1 №-дээх Силиэстийэлиир изолятор үлэтигэр үрдүк сыанабылы биэрдэ.
