16 Ыам ыйа 16.05
  • -7°
  • $ 104,68
  • 115,6

"Манчаары оонньууларын" мандатнай хамыыһыйатын 52 кыттааччы ааспата

11:03, 07 июля 2021
Текст:

«Манчаары оонньууларын» мандатнай хамыыһыйатын 1899 спортсмен уонна улуустар бэрэстэбиитэллэрэ аастылар. 52 вакцината уонна ПЦР анаалыһын түмүгэ суох кыттааччылар күрэхтэһиигэ киирбэтилэр. Бу туһунан СИАҕа бырабыыталыстыба бэрэссэдээтэлин солбуйааччы Сергей Местников иһитиннэрдэ.


Мандатнай хамыыһыйа үлэтэ бэҕэһээ от ыйын 6 күнүгэр түмүктэммит. Күрэхтэһиигэ коронавирустан быһыыны ылбыт эрэ эбэтэр ПЦР анаалыстаах киһи кыттара көҥүллэнэр.

Хамыыһыйа үлэтин түмүгүнэн 1899 спортсмен уонна өрөспүүбүлүкэ 40 оройуоннарын хамаандаларын делегаттара аккредитацияны аастылар. Кинилэр 70% вакцинаны ылтар. Атыттар ПЦР анаалыстарын түмүгэ коронавирус ыарыыта суоҕун туоһулуур.

«Абый уонна Өлөөн улуустарын биирдии кыттыылаахтарын ПЦР анаалыстарын түмүгэ коронавирус ыарыыта баарын быһаарбытынан мандатнай хамыыһыйа ити хамаандалар быһыыны толору ылбатах кыттааччыларын күрэхтэн туоратар туһунан быһаарыны ылла», — диэтэ Сергей Местников.

Итиниэхэ 22 спортсмен, 30 оройуон дэлэгээссийэлэрин бэрэстэбиитэллэрэ уопсайа 52 киһи быһыы ылбыттарын туһунан сертификата, ПЦР анаалыһын түмүгэ суох кэлэннэр Оонньуулартан туоратылыннылар.

Следите за самым важным и интересным в Telegram-канале и WhatsApp-группе ЯСИА
0
0