29 Кулун тутар 29.03
  • -15°
  • $ 92,26
  • 99,71

Лэгэнтэй: Кэнсиэргэ киирбит харчыны байыаннай дьаһал кыттыылаахтарыгар ыытыахпыт

фото: Марии Васильевой
Читайте нас на
Яндекс Новости
ЯДВ

Дьокуускайга Аҕа дойдуну көмүскээччилэр күннэригэр анал байыаннай дьаһал кыттыылаахтарын өйүүр кэнсиэрдэр буолуохтара диэн СИА кэпсиир.

Олунньу 24 күнүгэр Лэгэнтэй анал байыаннай дьаһал кыттыылаахтарын өйөөрү кэнсиэр биэриэҕэ.

«Кэнсиэр Суорун Омоллоон аатынан Опера уонна балет тыйаатырыгар иккитэ буолуоҕа 17-00 чаастан уонна 20-00 чаастан. Бастакы чааһыгар судаарыстыбыннай филармония духовой оркестра кыттыыны ылыаҕа: урукку уонна билиҥҥи байыаннай ырыалар тыаһыахтара, иккис чааһыгар бэйэм ырыаларбын ыллыаҕым. Маны таһынан, кэнсиэргэ байыаннай эпэрээссийэ кыттыылаахтара, Афганистан, Чечня уо. д. а сэриилэр бэтэрээннэрэ ыалдьыттыахтара. Кэнсиэртэн киирбит харчыны Аҕа дойдубутун көмүскүү сылдьар Сахабыт сирин эр дьонугар ыытыахпыт. Бу маннык аһымал кэнсиэри тэрийии — тус баҕа санаам этэ. Уопсайынан, төһө кыайарбынан, туох кыахтаахпынан байыаннай дьаһалга кытта сылдьар дьону өйүү сатыыбын. Мантан да атын аһымал аахсыйа буолаллар, Сахабыт сирин олохтоохторо үтүө тэрээһини өйүөхтэрэ диэн эрэнэбин», — диэн Лэгэнтэй бэлиэтээтэ.

Киин куорат олохтоохторо маны тэҥэ араас кэнсиэрдэргэ сылдьыахтарын сөп. А. Е. Кулаковскай аатынан Норуоттар доҕордоһууларын дьиэтигэр олунньу 22 күнүгэр 18 чаастан эстрада тыйаатырын сулустара уонна ыччат ансаамбыллара кыттыылаах «Аҕа дойду көмүскээччилэригэр» митинг-кэнсиэр буолуоҕа. Тэрээһиҥҥэ байыаннай дьаһал кыттааччылара, уоппускаҕа сылдьар саллааттар, ону сэргэ сэрии бэтэрээннэрэ ыҥырыллыахтара.

Олунньу 23 күнүгэр киэһэ 15:00 чаастан эдэр көрөөччү тыйаатырыгар «Истиий, дойдум!» кэнсиэр буолуоҕа. «Тускул» оҕо музыкальнай тыйатыраалынай устуудьуйатын кэнсиэрэ үүнэр көлүөнэни патриотическай иитиигэ ананар.

Эмиэ бу күн 17:00 чааска Опера уонна балет тыйаатырыгар «Поющее мужское братство» өрөспүүбүлүкэтээҕи куонкурус гала-кэнсиэрэ буолуоҕа.

Следите за самым важным и интересным в Telegram-канале и WhatsApp-группе ЯСИА