21 От ыйа 21.07
  • 25°
  • $ 88,02
  • 96,04

Коронавирус. Ил Дархан муниципалитеттарга суһал штабтар үлэлэрин күүһүрдэргэ эттэ

Читайте нас на
Яндекс Новости
ЯДВ

Ил Дархан Айсен Николаев ыам ыйын 9 күнүгэр видеоконференцсибээһинэн муниципалитеттар суһал штабтарын үлэтин тэтимирдэн, күүһүрдэн биэрэллэригэр сорук туруорда. Бу туһунан өрөспүүбүлүкэ сүрүн пресс-сулууспата суруйда. Коронавирус тарҕамматын туһугар үгүс миэрэ ылыллаллар да, ыалдьааччы ахсаана эбиллэ турар. Сүрүннээн ити олохтоохтор уопсастыбаннай миэстэҕэ санитарнай куттал суох буолуутун миэрэлэрин тутуспаттарын кытта сибээстээҕэ этилиннэ, суруйар СИА.


Суһал штаб иһитиннэрбитинэн, дьон мааска кэппэт, социальнай тэйиччи туттууну тутуспат, бөлөҕүнэн мустуу элбэх. Бу барыта — ыарыы тарҕаныытын төрүөтэ. Вакцина ылан баран ыалдьыбыт эбэтэр иккистээн ыалдьыбыт дьон баар, биирдиилээн. Онон Саха сирин олохтоохторо бэйэлэрин доруобуйаларыгар эппиэтинэстээхтик сыһыаннаһыахтаахтар.

Коронавирус олус кутталлаах ыарыы, онон туох баар миэрэни тутуһар ирдэнэр. Ыам ыйын 31 күнүн киллэрэн туран хааччахтыыр миэрэ барыта тутуһуллуохтаах.

Айсен Николаев нэһилиэнньэни кытта өйдөтөр-сэрэтэр үлэни ыытар патруллар үлэлиэхтээхтэрин эттэ. «Вакцинацияҕа эрэ сигэнимэҥ. Ылыллар миэрэлэри тутуһуу эрэ коронавируһу кыайар кыахтаах. Вакцина да ылбыт иһин ыалдьыахха сөбө билиннэ, штамм мутациялыыр. Хааччахтыыр миэрэлэр салҕанан барыахтара. Дьон түмсүүтүн таһаарымаҥ», — диэтэ кини.

Следите за самым важным и интересным в Telegram-канале и WhatsApp-группе ЯСИА