25 Ыам ыйа 25.05
  • -7°
  • $ 104,68
  • 115,6

Күһүн Чурапчы улууһугар оттооһуҥҥа нэһилиэктэр икки ардыларыгар күрэх кыайыылаахтарын быһаарыахтара

16:01, 30 июля 2020
Текст:

Чурапчы улууһугар төһө да курааннаатар оттооһуҥҥа, үүт ыамыгар, оҕуруот аһын харайыыга былдьаһыктаах күннэр тураллар. Күһүн улуус хамыһыйата оту оттооһуҥҥа нэһилиэктэр икки ардыларыгар күрэх кыайыылаахтарын быһаарыа. Бу туһунан СИАҕа улуус дьаһалтатын пресс-сулууспата иһитиннэрэр.  


Бүгүҥҥү күҥҥэ Чурапчы улууһугар барыта 14015,5 га сир охсулунна, 8962,1 тонна от кэбиһилиннэ. Бу былаантан 22,5%.

Билигин үрдүк көрдөрүүлээх Кытаанах нэһилиэгэ иһэр. Манна 871 тонна от кэбиһиллэн, былаан 48,1% туолла. Болугурдар 273 тонна оту кээһэн, былааннарын 8,7% толорон, улууска саамай кыра көрдөрүүлээхтэр. Кинилэр кэннэ Чакыр нэһилиэгэ 367 тонна оту бэлэмнээн былаанын 15,9 % толорон, иккис миэстэҕэ сылдьар.

Үүт ыамын үгэнигэр Сылаҥ нэһилиэгин үүт туттарааччылара күҥҥэ 5,50 тоннаны туттаран инники күөҥҥэ сылдьаллар. Кинилэр кэннэ Одьулуун (4,40 тонна), Соловьев (4,14 тонна). Чурапчыга (1,22 тонна), Кытаанахха (1,54 тонна), Болтоҥоҕо (1,59 тонна). Үүт туттарааччылар күннэтэ ыамнарын үрдэтэргэ дьулуһаллар.

Следите за самым важным и интересным в Telegram-канале и WhatsApp-группе ЯСИА
0
0