21 От ыйа 21.07
  • 18°
  • $ 88,02
  • 96,04

Ил Дархан тоҕо региоҥҥа сааскы булду көҥүллээбитин быһаарда

Читайте нас на
Яндекс Новости
ЯДВ

Саха сиригэр сааскы булду тоҕо боппотохторун Айсен Николаев «Регионы о главном. Коронавирус» медиабырайыагынан Дарья Кислицынаҕа кэпсээтэ диэн СИА суруйар.


Саха сиригэр сааскы булт, коронавируһунан сибээстээн хааччахтааһыннардаах, көҥүл. Тоҕо боппотохторун регион салайааччыта Айсен Николаев кэпсээтэ.

«Бу боростуой быһаарыы буолбатах. Биир өттүттэн бобор туһунан туруорсар анал тэрилтэлэр, иккис өттүттэн сааскы булт диэн хоту дойду олохтооҕор хайдахтаах күндүтүн бэйэм билэбин. Бу күүлэй буолбатах, бу айылҕаны кытта сибээс, биһиги култуурабыт сорҕото. Сааскы булду, эпидемия иэнэ кэҥээбитэ буоллар, боборго күһэллиэм этэ«, — диэтэ Айсен Николаев.

Саха сиригэр булт көҥүл эрээри, хааччахтардаах. Холобур, кэлии дьон бултуура бобуулаах.

«Бултуу тахсар дьон бары миэрэни тутуһалларыгар, улуустарга ыарыыны тарҕаппаттарыгар эрэллээхпин«, — Ил Дархан булчуттарга анаан ыҥырыы оҥордо. Итиэннэ ОРВИ сибикитин биллэхтэринэ ханна да барбаттарыгар, көрдөрүнэллэригэр сүбэлээтэ.

Следите за самым важным и интересным в Telegram-канале и WhatsApp-группе ЯСИА