Бриллиантовай циркэҕэ бэҕэһээ, ахсынньы 25 күнүгэр, өрөспүүбүлүкэ баһылыгын Харыйата буолла. Үгэскэ кубулуйбут тэрээһиҥҥэ регион бары оскуолаларыттан 700 оҕо кытынна.
Цирк кэлэктиибэ саҥа дьыллааҕы алыптаах остуоруйаны уонна сөҕүмэр нүөмэрдэри бэлэмнээн таһаарда. Мустубут дьон ханаакка уонна хачыалларга оонньуулары биир тыынынан көрдө.
Оттон хотугу норуоттар хайдах олороллорун, төрөппүккэ көмө төһө суолталааҕын кэпсиир остуоруйа эдэр көрөөччүлэри долгутта уонна элбэххэ үөрэттэ, суруйда ЯСИА.
