Арктика 13 улууһугар барытыгар оттук сезона саҕаланна. Ааспыт өрөбүллэргэ сылааһы Дьааҥы, Эбээн-Бытантай, Эдьигээн улуустарыгар биэрдилэр диэн, ОДьКХ тэрилтэтэ иһитиннэрэр.
Дьокуускайга үөрэх тэрилтэлэригэр итиини балаҕан ыйын 1 күнүгэр биэриэхтэрэ, олорор дьиэлэргэ — балаҕан ыйын 7-гэр. Атын улуустарга сылаас балаҕан ыйын бастакы декадатыгар киириэ.
Кыстык оттук 80,6 % сүөкэммит, 65,4 % туһааннаах сиригэр тиэрдиллибит. Алтынньыга диэри 546 485 туонна оттук тиэллиэхтээх.
