Гаврил Сивцев уонна Василий Захаров Саха сириттэн бастакынан хапкидо соҕуруу Корея спордугар судьуйалыырга аттестацияны ыллылар. Новосибирскайга кинилэр күрэхтэһиигэ арбитрдаан, дебюттаатылар, суруйар СИА.
Гаврил Сивцев уонна Василий Захаров Бердскайга бүтүн Россиятааҕы судьуйа семинарыгар үөрэннилэр. Эксээмэннэрин ситиһиилээхтик туттардылар уонна Саха сиригэр бастакынан хапкидоҕа судьуйа быраабын ыллылар.
Кинилэр Новосибирскайга Сибиирдээҕи федеральнай уокурук күрэхтэһиитигэр судьуйалыырга ыҥырыллыннылар. Турнирга 200 спортсмен кытынна, Новосибирскайтан, Барнаултан, Красноярскайтан, Минусинскайтан, Бердскайтан, Алтай кыраайыттан, Кемеровоттан хамаандалар бааллар.
Саха сирин судьуйалара практикаҕа бастакы эксээмэннэрин ситиһиилээхтик аастылар.
