Эбээн Бытантай улууһун Түгэһиир нэһилиэгин олохтооҕо 4 оҕо күн күбэй ийэтэ, 18 сиэн эйэҕэс эбээтэ Светлана Горохова олорор кыбартыыратын былыргы малларынан, таҥаһынан-сабынан киэргэтэн, бэйэтинэн ретро истииллээх түмэл буолла, диэн «Бытантай уоттара» телеграм-ханаал суруйар.
Светлана Гаврильевна ретро истииллээх кыбартыыратын иһигэр 60-с сыллардааҕы мас устууллар, ФЭД сэбиэскэй фотоаппараттан саҕалаан «Кодакка” тиийэ, 80-90-с сыллардааҕы сэлээппэ арааһа, былыргы кыптыыйдар, сүүтүктэр, иистэнэр массыыналар, чох өтүүк, дьиэҕэ-уокка туттуллар маллар эгэлгэлэрэ уо.д.а. бааллара көрүөххэ астык.
Сардаана Копырина
Хаартыскаҕа түһэрдэ Ньургун Боярский
