Саха сирин баһылыга Айсен Николаев, Ил Түмэн депутаттарын мунньаҕар тыа дьонун өйүүр дьаһаллары күүһүрдэрин туһунан кэпсээтэ. Бүлүү улууһун ТХПК «Сыа Бүлүү» сүөһү аһылыгын бэлэмниир уонна таҥастыыр хампаанньа дириэктэрэ Алексей Кондратьев саҥа анаммыт көмө босуобуйалар уонна эрдэттэн баар субсидиялар үрдээһиннэрэ Саха сирин тыатын хаһаайыстыбатын сайдыытыгар тиэрдиэҕэ, диэн тус санаатын үллэстэр.
«Өрөспүүбүлүкэ аграрийдара эһиил тыа хаһаайыстыбатын үбүлээһинэ үрдээбитин истэн үөрүөхтэрэ диэн эрэнэбин. Ону таһынан Саха сирин баһылыга анал этиитигэр, оҕуруот аһын, хортуоппуйу уонна бурдугу бэлэмнээһиҥҥэ саҥа субсидиялар киирэллэрин туһунан иһитиннэрдэ. Билигин региоҥҥа сүөһү аһылыгын бэлэмнээһини өйүүр бырагыраама үлэлиир. Онон саҥа көмө миэрэлэр ылылыннахтарына, сүөһү ахсаана элбиирин таһынан, тыа хаһаайыстыбатын табаарын бородууксуйатын оҥорон таһаарааччы элбиэҕэ», — диэн Алексей Кондратьев бэлиэтээтэ.
