Арассыыйа наукаларын Академиятын тылы үөрэтии Институтун үлэһитэ Карина Мищенкова эбэҥки уонна эбээн тылларынан “Стойбище” диэн остуол оонньуутун оҥордо. Саха сирин хоту улууһун олохтоохторо оонньууну олунньуга тутуохтара.
Оонньуу эбэҥки, эбээн тылларын уонунан диалегынан оҥоһуллан тахсыбыт.
Остуол оонньуутун босхо оскуолаларга, общиналарга, оҕо уһуйааннарыгар, култуура дьиэлэригэр, бибилэтиэкэлэргэ, мусуойдарга түҥэтиэхтэрэ.
Дойду тылларын үөрэтэр, харыстыыр пуонда көмөтүнэн оҥоһуллубут оонньууну эбии юкагир уонна долган тылларынан таһаарар былааннаахтар.
Оонньуу тылы үөрэтэргэ, билэргэ көмөлөөҕүн, оонньуунан тылы билбэт да киһи оонньуон сөбүн туһунан ааптар Карина Мищенкова этэр.
