Бэнидиэнньиккэ, сэтинньи 20 күнүгэр, сарсыарда эрдэ Дьокуускайга Сэбиэскэй Армия 50 сыла уулуссаҕа чааһынай гараж умайда. Бу туһунан Саха сиринээҕи ЫБМ пресс-сулууспата иһитиннэрэр. Быһылаан туһунан сигнал 06:25 чааска киирбит.
Баһаарынайдар быһылаан миэстэтигэр алта мүнүүтэнэн кэлбиттэр. Бу кэмҥэ тутуу аһаҕас уотунан умайа турбут. Инньэ гынан 24 квадратнай миэтэрэ иэннээх гараж бүтүннүү уокка былдьанна.
Ол да буоллар, баһаарынайдар «Тойота- Суксид» мааркалаах массыынаны уоттан быыһаатылар. Быһылаан кэнниттэн 1986 сыл төрүөх эр киһи уоттан эчэйиилээх балыыһаҕа тиийэн көмө көрдөөтө.
