17 От ыйа 17.07
  • 19°
  • $ 88,28
  • 96,26

Бырааттыы Ноговицыннар хапсаҕайга турнирдарыгар Иван Семенов уонна Никита Хабаров кыайдылар

13:15, 14 ноября 2022
Читайте нас на
Яндекс Новости
ЯДВ

Ноговицыннар ааттарынан хапсаҕай турнира Кэбээйиттэн сылдьар Иван Семенов уонна Ньурбаттан төрүттээх Никита Хабаров кыайыыларынан түмүктэннэ.  Икки спортсмен тэрийээччилэртэн сүүстүү тыһыынча солкуобайы ыллылар, диэн СИА кэпсиир.

Саҥа сезоҥҥа бастакытын ыытыллар Ноговицыннар турнирдара бүтүн өрөспүүбүлүкэттэн 305 кыттааччыны түмтэ. Дьааҥы улууһун дьаһалтата абсолютнай кыайыылаахтарга бириис быһыытынан сүүстүү тыһыынча солкуобайы туруорбута.

Кыттааччылар ахсааннара элбэх буолан араас ыйааһыннарга дьоһуннаах конкуренция буолла. Ол курдук, тустууктар ортолоругар 75 киилэҕэ диэри 93 бөҕөс күөн көрүстэ. Манна маастарыстыбатын таһымын дакаастаан кыайыылааҕынан өрөспүүбүлүкэ абсолютнай чемпиона Рустам Прокопьев таҕыста. Финалга кини Мииринэй оройуонуттан Ньургун Прокопьевы кытары хапсыһан кыайбыта. Үһүс миэстэни Таатта улууһуттан Семен Владимиров ылла.

75 кг диэри ыйааһыҥҥа абсолютнай күрэхтэһиигэ 34 бөҕөс күөн көрүстэ. Финал биэс эргиирин түмүгүнэн Мииринэйтэн Алексей Данилов уонна Кэбээйи улууһуттан Иван Семенов таҕыстылар. Сүрүн бириис иһин тустуу анаммыт бириэмэ бүтүөр диэри буолла, бүтэһигэр кыайынны Кэбээйи тустуутуга ситистэ.

Ыарахан ыйааһыннаахтарга абсолютнайга 16 кыттааччы күөн көрүстэ, кинилэртэн уон киһи хапсаҕайга спорт маастардара. Сытыы конкуренцияҕа абсолютнай чемпионунан Никита Хабаров буолла. Финалга кини Дьокуускайтан Олег Чернов утары таҕыста. Ньурба спортсмена бааллара утарсааччытыттан элбэх буолан кыайыыны ситистэ.

Следите за самым важным и интересным в Telegram-канале и WhatsApp-группе ЯСИА