16 От ыйа 16.07
  • 22°
  • $ 87,81
  • 95,78

Бэс ыйын 29 күнэ. Бартыһааннар историялара - Бикипиэдьийэ

09:01, 29 июня 2020
Текст:
Читайте нас на
Яндекс Новости
ЯДВ

Бэс ыйын 29 күнэ — Арассыыйаҕа бартыһааннар уонна подпольщиктар күннэрэ. 2010 сыллаахтан Брянскай уобалас дууматын көҕүлээһининэн бэлиэтэнэр. 1941—1945 с.с. Аҕа дойду улуу сэриитигэр фашистары утары өстөөх тыылыгар охсуспут дьону кэриэстииллэр.


🔹1934 — Саха АССР Норуотун хамыһаардарын Сэбиэтин (СНК) «Учууталлар үөрэхтэрин кэтэхтэн үрдэтинэр институуттарын тэрийии туһунан» диэн уурааҕа тахсыбыт.

🔹1938 — Исидор Бараахап дьыалатыгар доппуруос бастакы боротокуола суруллубут. Олунньу 3 күнүгэр хаайыллыбыт эрээри, архыыпка баар дьыалаҕа ол кэнниттэн 146 хонук иһигэр туох буолбута биллибэт. Бу тухары НКВД хаайыытыгар сытан «буруйун» билиммэтэх буолан, доппуруос боротокуола суох диэн устуорук Е. Алексеев суруйар.

🔹1958 — Бразилия аан бастаан футболга аан дойду чөмпүйүөнэ буолбут. Билиҥҥи туругунан Бразилия аан дойду чөмпүйэнээттэригэр биэс төгүл бастаабыта, бу курдук көрдөрүүлээх атын дойду суох.

🔹1964 — Телевизор дистанционнай пульта айыллыбыт.

🔹1984 — «Якутуглестрой» кэмбинээт биригэдьииригэр Михаил Михеевкэ Социалистыы Үлэ Дьоруойун аата иҥэриллибит.

🔹2007 — АХШ-гар Apple хампаанньа бастакы мобильнай төлөппүөнэ, iPhone, атыыга тахсыбыт.

🔹2012 — Дьокуускай аэропордугар 17,5 тыһ. кв. м. иэннээх саҥа терминал арыллыбыт. Аэропорт комфорт уонна куттал суох буолуутунан «С» кылаастаах ирдэбилгэ хоруйдуур буолбут, оттон дьону аһарыытын кыаҕа чааска 700 пассажирга диэри улааппыт.

Төрөөбүттэр:

🔸1916 — Пантелеймон Тулааһынап (1949 сылга өлбүт), бэйиэт.

🔸1937 — Герман Комраков, композитор, Саха АССР ускуустубатын үтүөлээх диэйэтэлэ.

🔸1946 — Иннокентий Голиков, физикаҕа уонна математикаҕа билим дуоктара, РФ норуотун үөрэҕириитин туйгуна, 1994-1996 сс. Саха Өрөспүүбүлүкэтин үөрэххэ миниистирэ, СГУ педагогическай институтугар ректорынан өр сылларга үлэлээбитэ.

Өлбүттэр:

🔹1934 — Эдуард Пекарскай (25.10.1858 төр.) — лингвист, этнограф, фольклорист, ССРС наукаларын Академиятын бочуоттаах чилиэнэ (1931). Нуучча географияны чинчийэр уопсастыбатын этнография отделениетын сэкирэтээрэ, сахалар уонна эбэҥкилэр этнографияларын тустарынан үлэлэр ааптардара, бастакы фундаментальнай саха тылын тылдьытын оҥорбут киһи.

🔹1989 — Михаил Стрекаловскай (04.02.1914 төр., Бастакы Өспөх нэһилиэгэ, Уус-Алдан улууһа) — Аҕа дойду Улуу сэриитин кыттыылааҕа, Арассыыйа Федерациятын Дьоруойа (1996).

🔹1994 — Нуучча тылыгар В. Гаврильева сэһэннэрин, Николай Якутскай «Хараҥаттан сырдыкка» сэһэнин, Анастасия Сыромятникова «Кыыс Хотун» арамаанын тылбаастаабыт Иван Ласков.

Бикипиэдьийэҕэ түүрдэргэ сыһыаннаах ыстатыйалары суруйууга бириистээх күрэс түмүктэнэн эрэр. Кыттыан баҕалаахтар билигин да хойутуу иликкит!

https://sah.wikipedia.org/wiki/Бэс_ыйын_29

https://sah.wikipedia.org/wiki/Барахов_Исидор_Никифорович

https://sah.wikipedia.org/wiki/Бразилия

https://sah.wikipedia.org/wiki/Михеев_Михаил_Алексеевич

https://sah.wikipedia.org/wiki/Apple

https://sah.wikipedia.org/wiki/Дьокуускай_(аэропорт)

https://sah.wikipedia.org/wiki/Тулааһынап_Пантелеймон_Яковлевич

https://sah.wikipedia.org/wiki/Комраков_Герман_Никандрович

https://sah.wikipedia.org/wiki/Пекарскай_Эдуард_Карлович

https://sah.wikipedia.org/wiki/Стрекаловскай_Михаил_Михайлович

https://sah.wikipedia.org/wiki/Ласков_Иван_Антонович

Следите за самым важным и интересным в Telegram-канале и WhatsApp-группе ЯСИА