Элбэх сыл кэнниттэн «Азия оҕолоро» оонньуулар бырагыраамаларыгар үҥкүү спорда киириэҕэ. 2024 сылга Саха сиригэр буолар оонньууларга бу көрүҥҥэ икки паара кыттыаҕа.
Үҥкүү спорда Саха сиригэр сайдыытын туһунан тустаах Федерация мунньаҕар кэпсэттилэр, суруйар ЯСИА.
Федерацияны Людмила Николаева салайар, мунньахха сыл түмүктэрин таһаардылар, былааннары оҥордулар. Быйылгы дьыл биир улахан ситиһиитинэн дуэттар баар буолбуттарын бэлиэтээтилэр, кинилэр Россия таһымыгар таҕыстылар.
«Азия оҕолорун» Саха сирэ ыытар буолан, икки хамаанданы туруорар. Онон үҥкүү спордугар икки паара киирсиэҕэ.
