Кулун тутар 31 күнүттэн саҕалаан киин куоракка барыта 16 суолу өрөмүөннүөхтэрэ. Ити туһунан куорат баһылыга Айсен Николаев эттэ.
Автодорожнай, куораты иилии эргийэр суоллар чыҥха атын көрүҥнэниэхтэрэ, аттынааҕы сир-уот тупсарыллыаҕа. Автодорожнай уонна Покровскайдыыр суоллар быһа охсуһууларыгар скульптура туруоҕа.
«2017-2019 сыллаардааҕы былааҥҥа, Хатыҥ Үрэх суолун билиҥҥиттэн болҕомтоҕо ылыахха наада», — диир Айсен Николаев.
Оробуочай бөлөх үлэ былаан быһыытынан баран иһэрин бэлиэтээтэ.
Куоракка 13 км. суолу өрөмүөннүүр сорук турар. Итиниэхэ 2016 сылга Саха сирэ тус сыаллаахтык 400 мөл. солк. федеральнай бюджеттан эбии ылыахтаах. Уһук Илин регионнарыгар уопсайа 2,35 млрд. солк. ананыахтаах.
