2022 сылга Саха сирин Арктика оройуоннарыгар уунан таһаҕас тиэйиитин былаана 347 755,2 туоннаҕа тэҥнэһэр. Атырдьах ыйын 12 күнүнээҕи туругунан 229 393,5 туоннаны тиэйиннилэр, бу былаан 66% буолар, 109 946,7 туоннаны, ол эбэтэр былаантан 31,6% тиэртилэр. Бу туһунан СӨ Хааччыйыы кэмитиэтин пресс-сулууспатыгар иһитиннэрдилэр.
Быйыл өрүс суолунан уопсайа 1,2 мөл. туоннаттан тахса таһаҕаһы өрөспүүбүлүкэ оройуоннарыгар тиэрдиллиэхтээх. Навигация саҕаланыаҕыттан 847,2 тыһыынча туонна олох-дьаһах хааччыйар таһаҕаһы, ол эбэтэр былаантан 67% тиэйилиннэ, былаантан 57% Ол эбэтэр 723,8 тыһыынча туонна тиэрдилиннэ.
Бырабыыталыстыба хамыыһыйатын мунньаҕар кыттааччылар Саха сирин өрүстэригэр гидрология уонна судоходнай быһыы-майгы туруктарын уонна Джебарики чох разреһын ырыттылар.
Өрөспүүбүлүкэ нэһилиэнньэтин олоҕор- дьаһаҕар куттал суох буолуутун хааччыйар судаарыстыбыннай кэмитиэт бэрэссэдээтэлин эбээһинэһин толорооччу Иннокентий Андросов таһаҕас тиэрдиитин хаамыытын туһунан иһитиннэриини билиһиннэрдэ.
