15 От ыйа 15.07
  • 30°
  • $ 87,74
  • 95,76

Алдаҥҥа суол саахалыгар буруйдаах киһини икки сылга хаайыыга ыыттылар

Фото: Мария Васильева/ЯСИА
Читайте нас на
Яндекс Новости
ЯДВ

Алдан оройуонугар киһи өлүүлээх ДТП-га буруйдаах киһини суут икки сылга хаайыыга ыытта. Ол туһунан Саха сирин Үрдүкү суутун саайтыгар биллэрдилэр.

Саахал 2021 с. ахсынньы 17 күнүгэр  буолбут. «Хонда- Фит» массыына суоппара Томмоттон Алдан диэки инники сидиэнньэтигэр пассажирдаах айаннаан испит. Суол кутталлаах учаастагар кини массыынатын түргэн баҕайытык ыытан иһэн утары балаһаҕа тахсыбыт уонна управлениетын кыайбакка суолтан тахсан барбыт, массыына эргийбит. Пассажир саахал түмүгэр быһылаан тахсыбыт миэстэтигэр ылбыт эчэйиититтэн өлбүт.

Эр киһи буруйун толору билиммит уонна кэмсиммит. Суол быраабылатын кэһии уонна сэрэҕэ суохтан киһини өлөрүү  иһин кинини икки сылга хаайыыга ыыттылар. Ону сэргэ 2,5 сылга тырааныспары салайар быраабын быстылар.

Следите за самым важным и интересным в Telegram-канале и WhatsApp-группе ЯСИА
Тутаах тыллар