Кыргыстаан сүүмэрдэммит хамаандатыттан ыарахан ыйааһыҥҥа тустар саха бөҕөһө Айаал Лазарев Алматыга буолбут Азия чөмпүйэнээтигэр үрүҥ көмүс мэтээли ылары ситистэ. Бу туһунан Sportyakutia.ru суруйар.
125 кг диэри тустар бөҕөс үстэ киирсибититтэн иккитигэр кыайбыт. Финал ¼-гэр Айаал Лазарев бастакы түһүмэххэ соҕуруу Корея бөҕөһүн Ким Д. 10:0 ахсаанынан, оттон финал аҥарыгар Ирантан сылдьар Амина Тахерины кыайбыт. Финалга Айаал Лазарев 3:2 ахсааҥҥа иһэн, күрэхтэһии түмүктэниэ 20 сөк хаалтын кэннэ, казах тустуугар Олег Болтиҥҥа хоттордо.
2015 сылтан саҕалаан Айаал Азия чөмпүйэнээтин мэтээллэрин бары көрүҥнэрин ылла. Ол курдук, 2015 сыллаахха кыһыл көмүс мэтээли, 2010, 2013 уонна 2016 сылларга – боруонса итиэннэ быйыл үрүҥ көмүс мэтээли ылары ситистэ.
Бу күрэхтэһиигэ Олимпиадаҕа путевка оонньоммото. Путевка иһин Айаал Лазарев ыам ыйыгар Болгария София куоратыгар ыытыллар олимпийскай квалификационнай турнирга киирсиэ.
