29 Кулун тутар 29.03
  • -15°
  • $ 92,26
  • 99,71

Уһук Илин олохтооҕо чугастааҕы үрэхтэн бэйэтэ сииригэр балыктыырын көҥүллүөхтэрэ

14:01, 11 ноября 2020
Текст:
Читайте нас на
Яндекс Новости
ЯДВ

Уһук Илин олохтоохторо бэйэлэрэ сииллэригэр табыгастаах сиргэ балыктыылларын көҥүллүөхтэрэ. «Российская газета»-ҕа УИФУо-ка президент боломуочуйалааҕа Юрий Трутнев эттэ.


«Мин санаабар, бөдөҥ балыктыыр хампаанньалар Уһук Илин ырыынагар тахсыыларынан, тэҥнээх сыһыаны мүччү туттубут. Тоҕо диэтэххэ, холобур тулата барыта олус балыктаах үрэхтэрдээх Камчаткаҕа олорор киһи хантан балыктаан аһыыра биллибэт», — диэтэ Юрий Трутнев.

Билигин дьон суола-ииһэ суох ыраах сирдэргэ тиийэргэ күһэллэллэр. Онно кинилэри ким да туппат, браконьердааһыҥҥа миэрэҕэ тардыллыбаппыт дии саныыллар. Вице-премьер маннык балаһыанньаны сыыһанан ааҕар.

«Бөдөҥ балык хампаанньалара дьадайбаттара чахчы, өскөтүн кинилэр учаастактарын сорох чааһын бэйэ туттуутугар балыктааһыҥҥа көҥүллээтэхпитинэ. Буолаары буолан, маны куораттартан чугас, суоллаах-иистээх сиргэ, дьон сокуонунан туох да хааччаҕа суох киирэн балыктыырын курдук усулуобуйа тэриллиэхтээх, — диэтэ Юрий Трутнев. — Үрэх кытылыгар олорор киһи бэйэтэ сииригэр балыктыыр кыаҕа суоҕа диэн ханнык да сиэргэ баппат быһыы. Ол иһин биһиги маны хайаан да быһаарыахпыт. Бэрт кылгас болдьох иһигэр. Хампаанньалар, биллэн турар, кыратык бууннуохтара, ол гынан баран биһиги сөптөөх быһаарыы ылар бырааптаахпыт».

Следите за самым важным и интересным в Telegram-канале и WhatsApp-группе ЯСИА