Национальнай ыстаныыларга Федерация саҥа президенинэн норуоттар спортивнай оонньууларын чемпиона Юрий Гаврильев талылынна. Кини билигин өрөспүүбүлүкэ баһылыгын уонна бырабыыталыстыбатын дьаһалтатын салайааччытын солбуйааччыта, суруйар ЯСИА.
«Федерацияҕа отчуоттуур-быыбардыыр кэмпириэнсийэ буолла. Николай Андреев уопсастыбаннай тэрилтэ президенин боломуочуйатын тохтотто. Президиум быһаарыытынан саҥа салайааччынан Юрий Гаврильев талылынна», — ЯСИА-ҕа федерация толорооччу дириэктэрэ Максим Оегостуров эттэ.
Бэлиэтээтэххэ, Юрий Гаврильев бэйэтин спортивнай карьератыгар ыстаҥаҕа хас да рекорд олохтообута, Россия уонна Саха сирин спордун маастара.
