Мэҥэ Хаҥалас улууһун Майатыгар чааһынай дьиэҕэ буолбут баһаарга дьахтар уонна оҕо сырдык тыыннара быһынна. Ол туһунан ЫБММ пресс-сулууспата суруйда.
Баһаар буолбутун туһунан тыллабыр баһаарынай-быыһыыр сулууспаҕа ыам ыйын 13 күнүгэр 03:23 чааска киирэр. Баһаарынайдар 7 мүнүүтэнэн кэлэллэр. Баһаарынайдар кэлиилэригэр 120 кв.м. иэннээх дьиэ аһаҕас уотунан толору умайа турара.
Баһаар буолбут дьиэтиттэн 1960 сыллааҕы төрүөх дьахтар уонна 2021 сыллааҕы төрүөх оҕо өлүктэрэ булулуннулар.
Быһылаан буолбут биричиинэтэ, буруйдаахтар, хоромньу быһаарыллаллар. Киһи өлүүлээх баһаарынан борокуратуура бэрэбиэркэни саҕалаата.
