Саха Өрөспүүбүлүкэтин баһылыгын 2026 сыл муус устар 13 күнүнээҕи ыйааҕынан экэниэмикэ, үп уонна инвестиция бэлиитикэтин эйгэтигэр И.Н. Бараахап аатынан судаарыстыбаннай бириэмийэ ананарын туһунан ЯСИА суруйда.
Саха Өрөспүүбүлүкэтин социальнай-экономическай сайдыытыгар уонна нэһилиэнньэ уйгулаах олоҕун үрдэтиигэ кылаатын, профессионализмын уонна экэниэмикэ, үп, инвестиция бэлиитикэтин эйгэтигэр ситиһиилэрин, судаарыстыбаннай сулууспаҕа өр кэмнээх үлэтин иһин 2026 сылга И.Н. Бараахап аатынан судаарыстыбаннай бириэмийэ лауреатын аатын Федорова Алена Афанасьевна, Саха Өрөспүүбүлүкэтин Счетнай палаататын бэрэссэдээтэлэ, Саха Өрөспүүбүлүкэтин үтүөлээх экэнэмииһэ ылла.
