28 Кулун тутар 28.03
  • -13°
  • $ 92,59
  • 100,27

Горнай улууһугар кыһыл көмүс сыбаайбалаахтары бэлиэтээтилэр

15:01, 25 марта 2021
Текст:
Читайте нас на
Яндекс Новости
ЯДВ

Сэмэн, Софрон Даниловтар ааттарынан Духуобунас киинигэр «Саха сирин көмүс ыала» кинигэҕэ киирбит улууспут бастың ыаллара чиэстэннилэр. Оҕолор, сиэннэр махталларын эттилэр.


Кинигэҕэ Маалтааныттан Анна, Прокопий Заровняевтар, Одунуттан Татьяна, Иван Петровтар, Бэрдьигэстээхтэн Любовь, Данил Санниковтар, Мытаахтан Татьяна, Владимир Чемезовтар киллэриллэн, үтүө ааттара, мааны олохторо үйэ-сааска үйэтилиннэ.

Кинигэ Сахабыт сиригэр уһуннук ыал буолан олорбут дьиэ кэргэңңэ ытыктабыл бэлиэтэ буолар. Аңардас үйэ аңара олох олоруу бүтүн история. Онтон ыал буолан 50 сыл бииргэ оҕо иитэн, үлэлээн-хамсаан олоруу, бу дьоллоох дьон аналлара. Биһиги улууспутуттан бу кинигэҕэ киирбит дьоммут аңардас уһун эрэ олохторунан буолбакка, дьаныардаах үлэлэринэн, бастың ситиһиилэринэн эдэр көлүөнэ дьоңңо холобур буолаллар.

Бу күн бастың ыалларбыт оҕолоро, аймах дьоно, доҕотторо эҕэрдэ тылы эттилэр. Сиэн оҕолор кинилэргэ анаан хоһоон аахтылар, махталларын биллэрдилэр.

Тэрээһиңңэ улуус баһылыгын бастакы солбуйааччыта Сардаана Стручкова, «Бэрдьигэстээх нэһилиэгэ» МТ баһылыга Алексей Аргунов, улуустааҕы ЗАГС-а салайааччыта Мотрена Аргунова, нэһилиэк бэрэстэбиитэллэрэ, кинигэҕэ киирбит бастың ыалларбыт оҕолоро, аймах дьоно кыттыыны ыллылар, диэн суруйда Василий Тимофеев https://www.instagram.com/silatrudagorny/.

Следите за самым важным и интересным в Telegram-канале и WhatsApp-группе ЯСИА